胡杏兒自爆有追求者：限於電話溝通

胡杏兒身穿白色貼身露背晚裝，示範價值港幣5000萬的翡翠鑽飾，當她知道所戴珠寶如此貴重，即表示真的要小心。問到她可有為了穿該套晚裝節食，她說：「呢輪拍劇少少辛苦，唔使節食，都唔係點長肉。」她又透露她的契媽說會留翡翠鑽飾給她做嫁妝，她說：「都唔知幾時有得嫁，幫我宣揚出去我有呢啲嫁妝啦。」

她坦言有人追求但沒有時間，對方是圈外人，她說：「限於電話上嘅溝通。（香港定內地人？）總之人一個，係地球人唔係外星人。（如果喺香港可以見面？）好忙，我連屋企人都見唔到。（叫佢喺電視城門口等你？）好凍，唔好咁害人。（點識？朋友介紹？）嗰類啦。」問她這個農曆新年是否不再孤單時，她即扯開話題謂：「唔lonely係有時間陪屋企人同埋同啲girl friend去旅行。（同埋個追求者一齊去？）唔知，齋電話會有多啲幻想，唔想幻想破滅。（有無見過㗎？）有。（高大靚仔？）OK啦，唔好嚇走人。」對於舊愛黃宗澤被指搭上圈外女生，她說：「唔回應喇，講咩都唔啱，已經分開咗，總之祝福佢，搞掂我自己先。」